Rron Tolaj nxënës i klasës 5-të në shkollën fillore Mitrush Kuteli në Prishtinë, është dekoruar me medaljen e artë  për matematikë në Olimpiadën Internacionale STEAM, që është mbajtur në  Holandë.

10- vjeçari nga Prishtina me talentin dhe aftësinë e tij në lëndën e matematikës, ka arritur të bëjë krenarë, familjen, shkollën si dhe sponsorët M-Technologie dhe Royal Security , të cilat e kanë përkrahur Rronin, raporton Arbresh.info.

Për suksesin e Rronit, ka shkruar edhe shkolla fillore “Mitrush Kuteli” në Prishtinë, e cila ndjehet krenare për nxënësin e saj.

“Krenar me nxënësin tonë Rron Tolaj, atomisti i cili kësaj radhe në Olimpiadën Internacionale STEAM Holandë, fitoi medalje te artë në matematikë duke na bërë krenar gjithë stafin e shkollës, qytetin e Prishtinës dhe shtetin e Kosovës. Për pjesëmarrjen dhe sukseset e Rronit në këtë olimpiadë duhet falënderuar sponsorët M-Technologie dhe Royal Security dhe organizatorin qendrën e trajnimeve Infinit Training Center, ku pa ndihmën e të cilëve ky sukses do të ishte i pa realizueshëm”, thuhet në një posim të shkollës në Facebook./Arbresh.info/